GƏZƏL

Kinəlim, anə ğəşəngiş bətı az çiç bıvotom? Mıni de nozi bə vangiş bətı az çiç bıvotom? Muəxol zılmotə şəv, şinə lıput damdə bə qəv, Dimədən ovşumi rangiş bətı az çiç bıvotom? Jo bızın şəmşire mijon, yarə jəydən bə dıli, Mıni kışteyro bə cangiş bətı az çiç bıvotom? Zınedəj be bətı bə i rujiən tovom ni, İjənən şəj tı, dı mangiş bətı az çiç bıvotom? Ga bedəş şinə zıvon ga odəmi tıkniedəş, Şonisə nıştə bızangiş bətı az çiç bıvotom? Siconi haştedəniş ıştə dıli təy bıkəm az, Kəxəliz hovsələ tangiş bətı az çiç bıvotom? Rizvanim, loğmani votme bomono çarə bıkə. Vote tı eşğiku dangiş bətı az çiç bıvotom?