ELİ SIXAN DUZ BƏBE

Dədə-bobon votdən cüko ov şəbü Əv ğanune hıkmən bəpiəy əv bıbü, Vində bəni kül yol bıbü do bıbü Eli sıxan əvvəl-oxo duz bəbe. Sufi Roşan əvotiy əv Lovəyn ne Əvrə ove, ovi məkon Ovəyne, Ovə ambo ovəynəy çı Lovəyni Eli sıxan əvvəl-oxo duz bəbe. Yolon votdən Arçonəsə mırdovbe, Ləpəqıneko bə Qəzəndaşt ovbe. Həniən dıyo ov rost bedə bə sape Eli sıxan əvvəl-oxo duz bəbe. Bı sıxanon isbot bedən kardə kon Piyodə əşin çı Səkiko bə Lankon, Rafiq, vindən bonə ğədimi har kon Eli sıxan əvvəl-oxo duz bəbe.