DINYO KENƏ DUZ BƏBE Kİ

Məvotənən qıley vıle, Nə çəməne, nə bılbıle. Har tərəfiş zir zibile Dınyo kenə duz bəbe ki.. Dardiş hese bə sə peşdə, Ha illəşən qıle çəşdə, Diri diri tıni kışdə, Dınyo kenə duz bəbe ki.. Dəyeş bəbe, çəşən məkə, Bəçi vardə oynon diyəkə, Har ruj illə libos takə, Dınyo kenə duz bəbe ki.. Ğızılədəş taxtış hese, Bə dim umə bəxtış hese, Əçen qıle vaxtış hese, Dınyo kenə duz bəbe ki.. Ruj omedə, həftə şedə, Səf oməkəs səfdə şedə, Har dəyğəşən kefdə şedə, Dınyo kenə duz bəbe ki.. Jığo noəbə çəvi bınə, Çı dardi və sute sinə, Umi məkə, Tolışə kinə, Dınyo kenə duz bəbe ki..