BƏŞTI ĞIBON

Tı sıə vıliş bomıno, Vallah, nime hiç qıno. İqlə bətıye qımon, İvrədə jəydən dılon, Boy məşi, bəştı ğıbon. Çaş odəmi hardedə, Ağlı- huşi bardedə. Odəm vində- mardedə Ə muəxolon, ə bəvon: Boy məşi, bəştı ğıbon. Zıvonı şəkə- şine, Xoliçəsə ranqine. Qıləy zoə- qıləy kinə; Jıqo votəşe yolon: Boy məşi, bəştı ğıbon. Ğəssəm doydəm bə Xıdo, Beməkə ıştə yodo: Ə sıxanon, ə sədon; Əv zındə sırri- dılon, Boy məşi, bəştı ğıbon. Boğədə bılbıl handə, Sıə vıli zizə randə. Əçəy xaçi perandə, Çı xose vıli jimon, Boy məşi, bəştı ğıbon. Rujım şəve, vindənim, Korim, lolim, zındənim, Az ıştı Quloğlanim, Doəme bətı ərməğon, Boy məşi, bəştı ğıbon.