Çaşonkuş ro parziyedə-…

Çaşonkuş ro parziyedə- bə çaşonoş dəvıjyə ro! De lınqi kəybə okarde, de ami kəybə baste jıqo bedə! Kəybə-pencə nıbə kon dıyo nəzni, səhro nəzni, hal çiçe, nəzni, nəzni Xıdo ovətə royən! Nəzni de xoki yeksan bəyon! Iştə çaşon eqətə vırədə mijonkuş tılə roy əzni- dənəy ləği jiyədə haştero! Peşı ıştə çaşono əçıniy qonə-qonə sığon iştə lınqi jiyədə kaştero! Mıni piyə kəson kuye, ku! – əvotiy iyən ıştə anqışton aşmardiy, əvindiy- çəy mışte ım rujiqor! Çə zəmono bəsə dəşe – ım voş çəy voşe, səyku bə po ovi dılədə... Çə rujo Xıdo ro dəvıjyedə bəçəy çaşon! Dıyo, səhro, halon kırnedə bəştə mijon! Çə rujo deştə mijon zil peqətdə, randəmu ne! Sıpə zuzə rujon neçi qəvədə şe. Dınyo çəx qırdə kardə çı roy rizon çı zəmini dimisə.