Nİ

Bebəfoş tı, məsır bəmı şo məbi, Iştı sinə bәnə bəmı təvə ni. Fikrı-xıyol hələ çiçe zındəniş, Coni rufı bə məholon nəvə ni. İlahi tı be Xıdonı şo kardə, Çımı conı çı coniko co kardə, Anədəyı bəmı dardı bo kardə Barde çımı nə asp, nəmən dəvə ni. Çiç kuşiəydəm hiç bə məydon beşdəni Umır şedə, i kəs bə sə dəşdəni. İ cılmə nun çı xırtəkom eşdəni, Jıqo bızın jixırtədəm ləvə ni. Ey Nəriman, Syokerisə boğ məkə, Iştә dıli hədər məsut, doğ məkə, Şinə ruzi boştә zəhər, zoğ məkə Dınyo tıni ijən jıqo əvə ni.