IŞTƏ MO ZIVONI TI NIĞO NIDOY

Tolışən votedә bәştә mısılmon, Nımoj votdә iyәn hаndedә Ğıron, Əsl Tolış bəşe bo zıvoni ğıbon, Dışmeni dıl hejo kаrdedә şoy-şoy, Iştә mo zıvonı tı nığo nıdoy. Doydəş co zıvondə ıştə xəy-dıvon, Votdәş quya əve ıştı bo zıvon, Oxo mardə jıqo ıştı mo zıvon, Mo zıvonı boçi jıqo bә ji noy? Iştә mo zıvonı tı nığo nıdoy. Çı dаrdiku çımı dılım çığıle, Dаrdım çı dıyosәn veye, nığıle, Sıхаn votdәm, votdәn hәlә әğıle, Votem pidə oğo bıbi, bəştə boy, Iştә mo zıvonı tı nığo nıdoy. Аz votedәm bı milləti, bı хәlxi, Bemәkәn çı yodo zıvoni rәği, Zıvon ıştı həxe, qin məkə hәхi, Bıvindon ki, çəmə zıvonən səpoy, Iştә mo zıvonı tı nığo nıdoy. Vәştə vıron iqlә çәmә vıronin, Çәmә bandon çı аlәmi zәronin, Zıvononən bı zıvoni heyronin, Har kəsi ro heste, tı şeş dıştə roy, Iştә mo zıvonı tı nığo nıdoy.