XOSƏ Dİ NOM OSYOKUJƏ

Dədə-bobon mandə vırə, Çe har tono havzə dərə, Horəşone iyo ordə, Hestışonbe molon, kijə, Xosə di nom Osyokuja. Peşto çəmə tolışə band, Harki bıbu iyo ovand, Mivə toğon hejo oşand, Siyo kinə jəydə mijə, Xosə di nom Osyokujə. Bandi bıno dədə kəye, Gırdo-kəno həşi vırəye, Hiç nıbu vəyşti poəye, Zındəm əyo çımı kujə, Xosə di nom Osyokujə. Hındılə hi gətə vişə, Mırəbbə ekə bə şişə, Bip, əno, sef, bumərişə, Çiç pidə heste hırhovujə, Hosə di nom Osyokujə. Mıdrikəti heste iyo, Fəlsəfəti pegət çıyo, Yolon sıxan bənə dıyo, Bınışt guşdə tam-tamijə, Xosə di nom Osyokujə. Əgəm dışmen iyo bome, Tolış əçəy və bəgəte, Əçəy dimi mışt bəjəne, Nıbəhasten çəmə huşə, Xosə di nom Osyokujə. Iştə zəmində bandimon, Əmə ironə vandimon, Yolə xıyzon xıvandimon, So-bədə əğıləhuja, Xosə di nom Osyokujə. Bıvotəmon ıştə һəxi, Ğoym bıbən bənə sıği, Yodo beməkən ıştə rəği, Zumand bıbən һar rujə, Çımı di nom Osyokujə.