ÇIMI NƏVON
Ve azizin çımı nəvon,
Dədə tono omdən əvon,
Şinə conım ğırbon bəvon,
Pəşim qətə boştə nəvon.
Həmmə çokin iyəndısə,
Ve şinişon çı şonisə,
Reçinişon çı vılisə
Az şo bedəm dıştə nəvon.
Dıvo kardəm az bə Xıdo,
Şımənədə ijnən bıdo,
Xıvət bəkam berdəm nıdo,
Veme pidə ıştə nəvon.
Əvon həmmə ağılmandin,
Bomı qıləy yolə bandin,
Ğıymətşon ni, botom çandin,
Yolən bəben maştə nəvon.
Sources
Anthology of Talysh poetry (2021), 103–104. ISBN 978-9952-28-569-7.