IM NOMERDƏ DINYO İQLƏ MEXİSƏY

Tamə məkə, puli nadə ğuz məbi, Çı nomerdi yarə piyo buz məbi, İ cılməro, har dumisə muz məbi, Həyvonoti ağıl çəvi şoxisəy. Bə bepeşti sıpə təki dəm məğand, Şər peməkışt, əvi bə şər eməğand. Dıvu mәvot, xәlği bә dast dәmәğand, Nohəxədə məvot harçi həxisəy. Fik məkə tı, pulı heste, dardı ni, Dınyo moli, çı dınyoko barde ni, Yod beməkə Xıdo, məvot marde ni, Im nomerdə dınyo iqlə mexisəy.