NUN
Iştə qandım, cəvım dıvə,
Xəmən kardəm deştə bıvə.
Peəqətem bəbam bə osyo,
Əhaştınim ordə pesyo.
Tı boy ovaşt çı parçini,
Ordə bivit de parcini.
Həmi jeədə ve varz bıdə,
Nun pateədə bə ğarz bıdə.
Bıdə bəhəm tatə nuni,
Iştı dasti patə nuni.
Ğıbon bəşem bəçəy purşə,
Dəçəy orzu ki bə qur şə.
Bo şo karde tı çəy quri,
Bıpat bişi de çanquri.
Əy bıdə tı bə fəğıron,
Bəbe bəyo “Yasin”, “Ğıron”.
Sources
Anthology of Talysh poetry (2021), 32. ISBN 978-9952-28-569-7.