Elmas Hidayəti

BƏŞTI ĞIBON

Bə eşği bəlo dəşim, Çə vaxto əzobkəşim. Be duəbınə otəşim, Sutedəm, bəştı ğıbon. Çımı Əzrayil tıniş? Bəştə yo əzob doəniş? Eşğiku əy sutəniş? Mardedəm, bəştı ğıbon. Cəfo mədə bı coni, Ruji şeədə bə honi, Bəvitvonem az tıni, Darədəm, bəştı ğıbon. Har sıxanı, sohbətı Bomı okardə qıtı. Hanədə hejo detı Hıtedəm, bəştı ğıbon.

Sources

Anthology of Talysh poetry (2021), 209. ISBN 978-9952-28-569-7.