DASIM BƏTI RƏSDƏNİ Kİ RƏSDƏNİ...

Deştə mijə zil peğətdəm, jidəm az, Dasım bətı rəsdəni ki rəsdəni... Iştəni bə Əli şımşi jəydəm az, Dasım bətı rəsdəni ki rəsdəni... Beşəş bə bəs dı ovşomi, dı həşi, Tov vardedəm bə hicroni otəşi. Tıləy ov ni, dılım sutdə bə təşi, Dasım bətı rəsdəni ki rəsdəni... Odəm çanə durum baha bə sardi, Bə randəmu, zəmni xoki, bə qardi? Bə kofiriən Xıdo nıdə ın dardi, Dasım bətı rəsdəni ki rəsdəni... Ruj dəvardə, manq omedə, sor şedə, Im çəviko, əv çımiko arşedə... Ki bə dınyo hışk omedə, tar şedə, Dasım bətı rəsdəni ki rəsdəni. Mardem pidə, mehubbətı haştəni, Cəzə-fəzə dodə, əncəx kıştəni. Umım mandə iqlə bəştı ıştəni... Dasım bətı rəsdəni ki rəsdəni...