ŞO BIBU

Bəmı ıştə daston bıdə, bıqətom, Bıdə çımı sutə dılım şo bıbu. Iştı eşqi bəştə dıli dəbastom, Taleymon çı yəndıku co nıbu. Bıdə çımı sutə dılən şo bıbu. Əvəsordə zizə çokə bu bədo, Çanə kanə teğış heste, şobədo, Boyş bə rujən, ıştə çəşon ebədo, Həşiyə rujon boştə soybi ku nıbu. Bıdə çımı sutə dılən şo bıbu. Çəmə eşqi dəspardedəm bə Xıdo, Çı məzlumi qınyə bəxti roy oko, Xıdo bəmə nəfəs bıdo nezə ro, Təki çəmə romon duzə ro bıbu. Bıdə çımı sutə dılən şo bıbu. Baxtəvərim, beşiş çımı rizisə, Iştı eşqi kəbob bəkam zilisə, Banəy lampə tıni bənom mizisə, Rozi bıbi, ım İlqarən ço bıbu. Bıdə çımı sutə dılən şo bıbu.