OQARD BƏ KƏ

Pozi livon həni zardin, Boki bıvotım az ın dardi? Imsor eqınim ğasbu mardim, Leynə şəkə, çımı zoə. Oqard bəkə, çımı zoə. Çəşım ço bə, ha nəvedə, Yarəm sutdə, ve təvedə. Otəş həmuş bə kiədə, Boy pu bıkə, çımı zoə. Oqard bəkə, çımı zoə. Iştı dumo çəşım bə roy, Həmmə hiçe , iqlə tı boy. Im çı darde, tı bəmı doy? Dılım təkəy, çımı zoə. Oqard bəkə, çımı zoə. Ve şəkəson omən beşən, Iştə diədə bə ko dəşən. Tı boy okə qeşə kəşon, Mıni şokə, çımı zoə. Oqard bəkə, çımı zoə.