AŞİQİM BƏTI, KİNƏ

Bəştı lınq noə vırə conım ğıbon,kinəlim , Çımı sıvo tı qıləy co kə , co unvonım ni , Nə betı jie zındəm bı beməxə dınyoədə, Nəən bətı ğıbon doy qıləy fərə conım ni , Bətı jıqo aşiqim ! Aşiqim bətı , kinə ... De i kərə diyə karde mıncır bəbe dıli sə , Çəş-dim həyəcaniku ıştən bəştə ak bəka , Qirəm mıni eşğiku i ləz diyəro bıkoş , Ruf çımı şinə coni lıskə-lıskə tərk bəka , Bətı jıqo aşiqim ! Aşiqim bətı , kinə... Har kəs ıştə , az ıştı dardi jiyo ho bedəm , Tı çımı fikri , fami daston nırəsə dıyoş , Iştı nığılə çəşon əmondə be zındənim , Jıqo bızın ğərğ bıə çand qılə gəştim əyo , Bətı jıqo aşiqim ! Aşiqim bətı , kinə ... Az tıku diyəro nim ... tı çımı nəfəsədəş , Dıl botı sute – sute ha ruj pəşi qətedə , Konco az hestim əyo tınən hejo demıniş , Zıvon deştı xəyolon nozə kardə , votedə : Bətı jıqo aşiqim ! Aşiqim bətı , kinə ...