KULƏ ŞƏV OMƏ

Çıləon cə be, sard-su şe, rə be, vənəşə beşe, kanə sor sə be. Bəxt fəre çəmə, ğədəmış panbə səkkə çoşanbə kulə şəv omə. Ha kuli – kuli, kul -çoşanbəli, bıvğand ğəhəri de kanə sori. Sımə bınənən, otəş sənənən. Otəşi səpe cəm bıvaştənən, emı dard həmə, zər əy pesuto, kiyə bısuto kulə şəv omə. Bə yod dəğandən, baxşə vığandən. Iştə avlodon osə bıvğandən! Bo duston həmmə xoto oqətən, xonçə bıqətən, kulə şəv omə. Xəyku pehandən, şin-şin ehandən. Kəybə peştiku, quşonsə mandən.., dıvoye çəmə; baxtəvər bıbu, pışkış fər bıbu!, kulə şəv omə. Məhol bıbu vəşt, beşəmon bə qəşt. Tolışi xəlği Siyoçıxo, bəşt! Votdəmon əmə, çe dıli piyə xəy-ovand biyə, kulə şəv omə! Ha kuli – kuli, kul-çoşanbəli, bıvğand ğəhəri, de kanə sori.