Bıbəm tı xəlvətədə rujı şəv, sədo beməkə…

Bıbəm tı xəlvətədə rujı şəv, sədo beməkə, Çe dardi vadiədə hey bınəv, sədo beməkə. Niyon bıkə, çənədə hesteən, ekışt bə dıl, Bımardoşən, məvə dardon bə qəv, sədo beməkə. Çə dardiko məbi noşık, bıvot ki, «şık bə Xıdo», Bə aşığon doəşe baxşə əv, sədo beməkə. Eğandoən tı bə kəvşən ım eşğ, səbr bıkə, Bıjən çe kəvşəni xokon bə zəv, sədo beməkə. Bəyim bəvote az aşığ, bə har çi əv biyə tov, Bısut çe hicri otəşdə, bıtəv, sədo beməkə. Əvoni əv həni, ha Ərzi, dıldə marde umi, Bışi, niyondə dəkand əy bə ğəv, sədo beməkə.