Eqınyəm bəştı hicroni ğəm az, çın dardi damon ni…

Eqınyəm bəştı hicroni ğəm az, çın dardi damon ni, Tı şiş, cismo beşe conım, həni bın cismədəm con ni. Bə dınyo votdə zindon, kəşdəbu ğəm-dard kom inson, Ğəve bo aşığon dınyo, şımə bıznən ki, zindon ni. Voteydən holi ni dınyoədə urfoniko aşığ, Ğələt votdən əy, eşğ elm, aşığ elmi əhle, nodon ni. Həqiqi aşıği zındən ki, hicron vəsləti roye, Im aşığ kəşdə vey ğəm, bəyko, əmmo ki, peşimon ni. Bıboən çı vısoli mıjdədo, qoniş veye hicri, Çı dardi əhli ko məznən ve hoston, hiç hoston ni.