Votedəş Leyli, Şirin dimdə ğəşənqin bənə tı…
Votedəş Leyli, Şirin dimdə ğəşənqin bənə tı,
Tı bıvot ki, nişe dınyodə reçin, şin bənə tı.
Ve əminbim əbınim eşğiku sərxoş ğətiyən,
Çəşəmey eşği şərob, kardıme səm, qin bənə tı.
Çı nığıl elmi dıyoku emedən ıştı sıxan,
Bəmı hiç rast oməni co joğo elmin bənə tı.
Kenə kardəş tı nəzər, qınyə bə tilsim çımı dıl.
Təbibon kay əzınin bo dıli ofsin bənə tı.
Mıni kardəş ve rıkin, ğəstonə cındo, sıredəş,
Peşo votdəş bedənin şin-şini ğıyzin bənə tı.
Dılədəş Aytəni eşği bıpiyoş kışte əqəm,
Tı bıhandoş, əzınin çok vote Yasin bənə tı.
Sources
Anthology of Talysh poetry (2021), 366. ISBN 978-9952-28-569-7.