XOSƏ BOLİ

Har vırədə deştə zu biş, Nınqədə zu, kəşdə zu biş, Tı bəməno peştə zu biş, Detı eşdimon bə səpo, Xəlği zıne əmə hampo. Çəmə dardi tı biş dəmon, Detı əmə ruşnə kəmon. Betı əmə ruj nəkəmon, Detı rəsemon bə ruzi, Peqətmone vəyə orzu. Nızne tate, nızne sarde, Be ya nıbe, dəmə harde. Çan qılə hov dəro karde, Dəmə sırə, bəmə boli, Bo deşmeni ğəmə boli. Sor dorozi ro karde tı, Kəşon səyku okarde tı, Iştən kanə tankarde tı, Bəmənı doy tojə, boli, Han si nıbə mijə boli. Dodon bəştı sə bıqardon, Bəlonı bəvon oqardon, Coyli kəşe həmə dardon, Dədə yurdo kəvon boli, Çəmə şinə zıvon boli!..