Zülfüqar Əhmədzadə

Vişon

Əvəsor beədə haton havz bedə, Bə dərosniə vəyu oqardə vişon. Kijon, bılbılon hoq cə-cə jəydə, Məsəkəsi dıli okardə vişon. ...Doondə vişə suk doydə sədo, Kulondə siokijə kardedə nido. Doku çətono tık jəydə bə do, Hıtəkəson hano pekardə vişon. Dobıno cuyur, ceyron, kujəbız, Çiməno kafte kardedə erız. Şanqone kuon, dəon bedə zız, Kuruşnedə çoon pekardə vişon.