Zülfüqar Əhmədzadə

Əvəsor omedə

Bebəşe vənəşon, şinəfon, Havz bəbe bandi aləfon. Bəşe çı zomsoni cəfon, Xosə əvəsor omedə. Qıyədə verdon bebəşe, Bılbılonən cə-cə bəjen. Tuk əkonən bə git bəşen, Xosə əvəsor omedə. Oğo bəben hıtə conon, Kijon tumo bəkan lonon. Tutək bəjen pəsəvonon, Xosə əvəsor omedə. Obəbe mivə do zizon, Aləf bəbe roon-rizon. Sipi bəbe mosə dizon, Xosə əvəsor omedə.