IM ÇOKONƏ ZƏMONƏYE
Vişə podşo şir ni həni,
Pələnqiyən qir ni həni.
Həvuş səmandə sə neçi,
Rıvos sıredə bic-bici.
Məydon şəğoli məydone,
Oxo yaltəğə həyvone.
Hə bə aspi cıftə jedə,
Ğıçi bəşdə nıxtə jedə.
Asp çı sımə çülə hardə,
Hə cəvi,doni ebardə.
Hırs i sore pandəmedə,
Bə tənbəli hıte damedə.
Kəjələ kijə bardəni,
Süyo lo bodi di qardəni.
Dınyo səbə şıkır bəye,
Im çokonə zəmonəye?
Mənbələr
Talış poeziyası antologiyası (2021), 378. ISBN 978-9952-28-569-7.