DILİ DARDON

Votedən ki,ki ve sıredə əçəy dard ni,xıvət ni, Vallah duye,dard bıkəşi dardi co kəs əzıni. Çum çuko çı dardi boon be zıvonə dıli səy, Dard bıkəşi dıli dardon zıvonədə əbıni. Dıli dardon eparziyedən çı çaşonku bənəy honi, Çaş votedə : «Ha dıl, oxo dard əbıni ənə qoni», Boy,bışəmon çı dınyoku,səkəmon de jimoni, De be vəfoon,be fırsəndon bə sə varde bedəni. Sə peqətom bışom bəpe,çı məholo bə məhol, Bı dınyoədə xıvətiku çok nıbe çımı əhvol, Ve dəkəşni,mıniyən bəqəte dınyo bəbol, Mı de dınyo,dınyo dımı ğəti bə ro şedəni. Likibandoj,vəste həni,ənə ahu zo məkə, Şukur bıkə,dəvon ıştə ruji alə tələkə, İ ruj xəbə bebəşe ki,dardiku dılıj təkə, Hiç əzınin çı xonəxo dardıj ve bə,ve bəni.