BOMI NƏĞIL BIVOT

Bomı nəğıl bıvot,nəğıl bıvot tı, Joqo bızın iyən əğılim botı. Qəp bıjən şin-şini ”Qıl-qıl xımo”ku, Bıstən çımı dıli,bıstən çımıku. Cırtən bo ezımi bışiy bə vişə, Bə şəvi dorozi nıjəniy mijə... Bəyo ov bıkırniy div dı kəminə, Səlomət bırəsi əv bəşdə inə. Dənə bə çımı yod Məlik Məmmədi, Çı derzi şoqirdi sırpuş Əhmədi. Bıkə ın nəğılon bəyəndı pinə, Kəçəl çoko sedə potoşo kinə? Xoliçə səpesə bıporon mıni, Bınıvon nıvində vey vıron mıni. Bıpərım diəro,bışim qin bıbum Bəne ın nəğılon azən şin bıbum. Bə yodım dənışiy siyosət-filon. Lıski rohət bıbuy dılədə dılon. Lıski rohət bıbuy çəşədə çəşon. Lıski həmuş bıbuy dınyo otəşon. Dınyo məkə-bikə ğasbi təroz be, Ğasbi çəmə umır lıski doroz be. Dodo,nun ne,bə mı nəğıl bıdə tı. Bı dınyo lıski boy ağıl bıdə tı. Hakənə okırın çı dınyo quşi... Bo mı nəğıl bıvot çəşım epuşiy.