XIDO BƏ ZU VARDEDƏ
Xıdo bə zu vardedə,
Zəmin- ocmon qardedə,
Bə harçi əv ğadire,
Şəvi Əv ruj kardedə.
Gıroni votəy bıkə,
Pı-moə yodo beməkə,
Yolə Xıdoku bıtars,
Bevəcə ko tı məkə.
Hovə hurməti oqət,
Tı boə dışmen məqət,
Bə çəvon didor bışi,
Səlom bıdə, dast bıqət.
Mərqədi vəse həni,
Boy səkə ın sıxani,
In dınyo ve bevəfoy,
Oməkəs ruji şəniy.
Mənbələr
Talış poeziyası antologiyası (2021), 126. ISBN 978-9952-28-569-7.