TOLIŞE

Xəbə məstən tı mıko konvrəvıje, kon tolışe, Conədəm iqlə con heste, tolışe, con tolışe! Tolışə bandi tolşi ovon dardi dəvon Nomine, hurmətine, ğıryətine tolşi cıvon, Çəməko iqlə xune, iqlə dine, iqılə zıvon, Xəbə məstən, tı, mıko konvrəvıje, kon tolışe, Conədəm iqlə con heste, tolışe, con tolışe! Tolşə bandon oşdən bə sipyəsə merdi hırədə Doədə çındəş qilosi, hındıli hardəş bırədə Maaşallah, hestin ısə tolışon har vırədə, Rəştiko ta qətəşe Məskovə, London tolışe. Xəbə məstən tı mıko konvrəvıje, kon tolışe, Conədəm iqlə con heste, tolışe, con tolışe! Reçine Tolşi vilayət, jıqo ğəncin vətəne, Dıl vətən, con vətən, imon vətəne, din vətəne Vətəni con ğıbone, har vırəsəşin vətəne Həmə Masal, həmə Lik, Ostoro, Lankon tolışe. Xəbə məstən tı mıko konvrəvıje, kon tolışe, Conədəm iqlə con heste, tolışe, con tolışe! Nığıle, hikmətine tolşi sıxan, tolşi nəğıl, Bəməko alimon hestin zınedən elmi nığıl, Jəqo millət ni ısət ki, bıboşe da qılə əğıl, Əv kiye, kovrəvıje, bızın həmun inson tolışe. Xəbə məstən tı mıko konvrəvıje, kon tolışe, Conədəm iqlə con heste, tolışe, con tolışe! Yolə xəlxin tolışon, şən Xıdo roy desbə ısə, Oje bə har vırə – məydon bəməro desbə ısə, Yadədə son beşəni hiç kəsiro desbə ısə, Həmə, vallah ımi bıznən, tolışon son tolışe Xəbə məstən tı mıko konvrəvıje, kon tolışe, Conədəm iqlə con heste, tolışe, con tolışe! Çəmə iqlə Xıdomon heste, kitobmon Ğırone, Nığodən, ım zıvoni, hay şinə duston, əmone, Tolışi ğıryəti Valeh Likıji con ğıbone, Tolışe, əv tolışe, çı Liki bandon tolışe. Xəbə məstən tı mıko konvrəvıje, kon tolışe, Conədəm iqlə con heste, tolışe, con tolışe!