ĞIBONİMON

Çımı şə ro tule, qarde, Çımı həmro ğəhər, darde, Dınyo bəməy qarde-qarde: Əmə həmməy i conimon, Çı sardınə insonimon?! Roon mıni oğandedən, Dardon bə dıl rəğ ğandedən... Kijonən de voy handedən: Əmə həmməy i conimon, Çı sardınə insonimon?! Oməçınən çoki pardi, Dust, məçınən vıli zardi, Pemandən bə yəndı dardi_ Əmə həmməy i conimon!.. Çı sardınə insonimon?! Çımı dardon həni rəsən, Ğəhəro orzuyon təsən... Ha boon, mıni bıməsən, Əmə həmməy i conimon, Bəştə xəlği ğıbonimon!