AZƏRBOYCON

Əmə xıçə, tınən bəşiş, De tarıxi duşbəduşiş, Çəmə dıliş, vində çəşiş, Betı çəmə nimone con, Azərboycon, Azərboycon! Iştı vişon çətır-çətır, Vılon jəydən bəmə ətır. Bıəş bəməno sətır-sətır Şinə nəğıl, şinə daston, Azərboycon, Azərboycon! Kavyə Kaspi çı ğeyzine, Jobzon dınyo bəy ğarzine. Iştı bandon çı barzine? Okıredə çəyku osmon, Azərboycon, Azərboycon! Jinton nemət, penton sərvət, Zınəmon ni ıştı ğıymət, Har vıjə bum pur bərəkət, Har ton vəşti boğı-buston, Azərboycon, Azərboycon! Vaxt bıə şımşi peqətə, Çand nomerdi və oqətə. Tı hejo həxi ro qətə, Tıniş Mədo, tıniş Əlbon, Azərboycon, Azərboycon! İ dastədə penc anqıştiş, Bə çand xəlği dastək, peştiş. Dədə Ğorğudiş, Zərduştiş, Ovşum, astovə nom-nişon, Azərboycon, Azərboycon! Rujı həşi, şəvı ruşin, Həvo ətrin, ovonı şin, Iştı bəvin, ıştı çəşin Boku, Təbriz, Şəki, Lankon, Azərboycon, Azərboycon! Zulmon kəşə ıştı coni, Ozodəti səy hoston ni. Iştən boştəş ısət həni, Zındən tıni həmə cəhon, Azərboycon, Azərboycon!