XOK BƏŞTI SƏ, MERDİJ TI

Bə şəri asbi penışdəj, Həxi, bə nohəx həvatdəj. Hejo de ərbobon nışdəj, De kosibon sardij tı. Xok bəştı sə, merdij tı? Ənə həromı tı hardə, Puli tınıj ğudir kardə, İşdı vələd yaman qardə, Səyko-bəpo dardij tı. Xok bəştı sə, merdij tı? Ğıryətı bə tamə bod doy, İşdənı bə çı rujı noy? Ay həyvon, bə duzə ro boy, Boçi jıqo qardij tı. Xok bəştı sə, merdij tı? Yələğəti adət karde, İşdə aybonı okarde, Həni çətine oqarde, Çəmə çaşdə mardij tı. Xok bəştı sə, merdij tı?