ZERƏNƏ NUN

Qırdə bıbən ay hovon bıpatəmon zeyrənon, Çəmə kinon kəonədə bıbəmon çəvon baxşon. Hestışe çəmə adət, baxşə bəvan bo kinon. Bəpaten şinə nunon ləzətinə zeyrənon. Har kəsi xoş omedə çəmə zeyrənə nunon. Qırdə bıbən ay hovon, bıpatəmon zeyrənon, Çəmə kinon kəonədə bıbəmon çəvon şəlon. Im tolışi neyməte ım lap xosə adəte, Im tolışi sərvəte ım çokə naz neyməte. Çı ğədimo əv bəmə ən yolə əmonəte. Qırdə bıbən ay hovon, hozo bıkən sovğaton, Çəmə kinon kəondə bıbəmon çəvon şəlon. Qırdə bedən bibiyon, qırdə bedən hamsiyon, Deştə sıre diyəni patdən çokə zeyrənon. Həşdivəşdi bu doydə, çəy ruyən, çəy zəfəron. Qırdə bıbən ay hovon, bıpatəmon zeyrənon, Çəmə kinon kəondə bıbamon çəvon baxşon. Şinə nuni, zeyrəni sədə iminə bəno, İnəon boştə kinon, sovğaton bəkan hozo, Pareş pidə di keşi iştə balə bıvindo. Qırdə bıbən ay hovon, bıpatəmon zeyrənon, Çəmə kinon kəondə bıbamon çəvon baxşon. Kinə vəyu şeyədə, çəy sondıxi şələye, Ən həlolə neyməte mizonsə əv iqləye, Çəmə kinon çı bandi vıle, sıə laləye. Qırdə bıbən ay hovon, bıpatəmon zeyrənon, Çəmə kinon kəondə bıbamon çəvon baxşon.