AZİZİN BOMI

Çı xose ın zəmin, çı xose ın ov, Çı vıron sığonən azizin bomı. Bə har cur zilləti vardəjone tov Vişonən, boğonən azizin bomı. Nəhləti çı dılo şəytonıj tojnə, Çı rujon dılədə çokyonıj vıjnə, Çımı çaşonədəy çə rujon ruşnə, Çəy şəvon şığonən azizin bomı. Çı bandi honiyon, çı bandi ruon, Otəşə tənuon, otəşə kiyon. Aləfə ğuroğon, qandımə hiyon, Kıvuyə təğonən azizin bomı. Çı həxi roədə xunjon ekardə, Nohəxjon ni kardə, həxjon şo kardə, Əmənjon otəşi dıla bekardə Çı zəmni doğonən azizin bomı. Zıbudə cıvonon çəy nunə lokən, Yo heste bevəcən, yo heste çokən, Dənoəme bəşdə dıl kəvşəni xokən, Çəy tiyə rəğonən azizin bomı.