BO BEBƏFOƏ DUSTİ

İ vaxt hestbe bomı çokə dust biş tı, Du nəvotiş, səykubəpo rost biş tı. Çiç be bətı, çı rə jıqo sıst biş tı? Ha noinsof, bıvot bəmı, bəs boçi? In dustyəti bekarde tı bə puçi? Məsdənimon yəndı, qıləy kor bəmon, Bo iyəndə telə zıvon, mor bəmon. Yəndı lınqi bıni kandə bor bəmon, Ha noinsof, bıvot bəmı, bəs boçi? In dustyəti bekarde tı bə puçi? Sədəm tı biş, dılədəm tı, huşdə tı, Mandəbiş çı barzə bandi bəşdə tı. Eğandə ın dınyo çımı çəşdə tı. Ha noinsof, bıvot bəmı, bəs boçi? In dustyəti bekarde tı bə puçi?