VEYE

Hışkə luysə bınəş qətə, Pıxə çuysə bınəş qətə, Dınyo duysə bınəş qətə, Əve rostisə du veye! Umuj qınyə xəy bə şəri, Ağılmandən bə sərsəri. Arıştən sıxani fəri, Nohəxə qıftıqu veye! Balon dədəsə pəxılin, Kinon nənəsə dəğılin. Nuni bahan bo ağıli, Həyf, nunbəhə nunku veye! Zonısə bəpe bə olət, Bə yod dəşdəni xəcolət! Kardən səysə yolə ğələt, Aburnəysə həyo veye! Huşə ji kıləş zındəni, Namus, ğıryət, ar mandəni. Bə kuəti noydən ıştəni, Vindəysə ojə ku veye!