HƏNİ HİÇİ MANDƏNİ

Iştən iyom, ruhım co co pəredə. Dardim qone, məvot, votdə- sıredə. Im dard çımı umri, ruji bıryedə Məvot, dardon çımı dıli kandəni. Im fələki mınış boli, matış ka. Barzə doniş çı rişəku şatiş ka. Ve zoonış deştə zulmi ğatış ka. Barzə səon çı amonsə mandəni. Har şey, billah, çı ğıyməto eqınyə. Təlxənqəti, boli, bə mod dəqınyə. Hande çıknə çı hurməto eqinyə Suklonımon suk bəpeştən handəni. Kenə be ki, bo milləti con done. “İ məbənən şımə hiç vaxt, əmone”. Im Rufəti quli bıkən, vindone… Bo qulikay həni hiçi mandəni.