Betı ın dınyo bəmı dınyo ni darde, ha kinə…

Betı ın dınyo bəmı dınyo ni darde, ha kinə. Tı bızın ki, şeyəsə ın zoə marde, ha kinə. Tıni az vindeyəsə çannədə orzum bedəbe, Tı ki, şiş ın dıli orzu boçi barde, ha kinə. Joğo tı xəş odəmı karde noxəş Vallahi, Noxəşon ən yoli tı, bın dıli varde, ha kinə. In conən tat bedəni ki, biyə jəşe bə qoroş, Sori tovson bedə bu əv, bomo sarde, ha kinə. Röyal har kəlmədə con votdəbe bəştı sıxani, Tıni har vendeyəsə bəştı sə qarde, ha kinə.