BƏŞTI ĞIBON

Bə insof boy, məşi diəro, Zulım məkə, bəştı ğıbon. Tı bomıno çımı dıliş, Şinə-şəkə, bəştı ğıbon. Asp tojnedə ğəm-ğussə ve, Umrım hejo de dardi şe. In çımı dıl çandə bəbe Mıstəmləkə, bəştı ğıbon? Beton həşi, dılənton sard, Çımı sədə çı soron qard, Həni məşi jəqo, oqard, Dılım təkə, bəştı ğıbon. Çımı səpe peqət nəhsi, Bışırt dılo kanə posi, Dıl oməkə bə har kəsi, Sırr niyonkə, bəştı ğıbon. Şəvən-rujən sutdə sinə, Çı yamanə otəş sənə? Qulqasımi bə yod dənə, Bə sə çakə, bəştı ğıbon.