DINYO

Ay bo, dınyo bebəfoye, Ve merdonış hardə dınyo. Kosib kiye, ərbob kiye, Vindecəği bardə dınyo. Bəmə xəbə doydə Ğıron, Yolə-yolə peyğəmbəron. Ve podşoon, cohonqiron, Luzədəş ebardə dınyo. İtot bıkə əçəyku tı, Zərfət nıbəka əv detı. Mışti bəje dumo bətı, Bəvindeş ki, pərdə dınyo. Poəy ruşnəy, poəy toyki, Konco nəvdəş, bızın deki. Bə har kəsi bıkə çoki, Bəştı navən vardə dınyo. Əli Nasir tolışi zoə, Yolə şair, çəmə boə. Tolşi donə, tolşi poə, Maştə-maştə mardə, dınyo! Nicat, i ruj bəşeş tınən, Həmə bəbəmen botınən. Ha dəçık tı, vindəş, ijən, Ve susarde sardə dınyo.