IM MƏHOL

Səyko bə po yolə darde ım məhol, Tokən qinbe, lap omarde ım məhol. Ğaz bıryəbe,vişonomon pok bedən, Vişəbəqon luzışon noy, kok bedən, Çı fikriku vey odəmon şok bedən, Bə Mığoni peşt peqarde ım məhol, Tokən qinbe, lap omarde ım məhol. Ordə bohoy, cifondə pul haştəni, Odəm heste manqono qujd çaşdəni. Çokə sıxan həni bəsə nışdəni, Çı bəlobe, boçi marde ım məhol, Tokən qinbe, lap omarde ım məhol. Kardə konış nə zəbəre, nə zire. Rafiq çəmə Xıdo ovi nazire, Pul doydənin, votdən ki, əv pulqire, Ovış nıdoy, sute, zardbe ım məhol, Tokən qinbe, lap omarde ım məhol. Vey fik məkən oxomon lap çok bəbe, Şəvən- rujən ğazən bome, tok bəbe, Vişonədə şıvış bəbe, lok bəbe. Nibəvoten həni darde ım məhol. Xəy-bərəkət vey bəvarde ım məhol, Bə ilahi nur bəqarde ım məhol!