ÇAŞTƏ BƏ

Gin əbıni diyon nomon, Kitobədə nıvıştə bə. Yodo bəşe çəvon nomon, Kiyə mandə, okıştə bə. Kuçşon kardə, kanşon mandə, Besoybin, asp, hanşon mandə, Suk handəni, lonşon mandə, Rıvosiro əv çoştə bə. Umrış orıxnə diyədə, Doş perosnə əy hiyədə, Hiçən nıbo əv dumədə, Umiş hejo bə maştə bə. Ni bəmande di bə peşo, Ki pidəşni kuçkə bışo, İqlə ımi bə sə dəşo, Yolon ğəvonşon haştə bə. Isə har ko bəhsə-bəhse, Jı kəs bəmdə bəxtım nəse, Bidar votdə vəse-vəse, Ve kəs bə Boku çaştə bə.