ÇƏŞON OKƏ
Vəse hıtiş çəşon okə,
Dı çoki tı boy ro bıkə,
Ha ve bəhə, luzi purkə,
Nodon bəşeş, şukur nıkaş.
Diyəkə, osmon nığıle,
Əçəy vindəkəs ağıle,
Alimi ğıymət sağole,
Nabədə bəy zulm bıkaj.
Ki yol bıbo be muəllim,
Kole bəbe əçəy təlim,
Nıkardoş zəmini dilim,
Ha do bıbır, obod bıkaj.
Libos çı bədəni reçe,
Məhnə çı sıxani reçe,
Ağıl nıbo inson puçe,
Ha ğur bıboş libos takaj.
Zəhmət kəşdə votdə Bidar,
Obod bıbo çəmə diyar,
Çoknəmon bəbe bəxtiyar,
Xıdo əqər komək nıkaj.
Mənbələr
Talış poeziyası antologiyası (2021), 186. ISBN 978-9952-28-569-7.