Ə KİNƏ ÇİÇ KARDE PİDƏ

Honiədəm vinde zinə, Çaşım mande, mı bə kinə, Otəşıj jəy bəçmı sinə, Ə kinə çiç karde pidə? Dimıj vəşdə bənə həşi, Sütdə mıni, qətdəm təşi. Bəmı duə de otəşi, Ə kinə çiç karde pidə? Bə astovə şər ğandedə, Çı oşımi səmandedə. Bə həşi məydon handedə, Ə kinə çiç karde pidə? Dardi doydə dardi səpe, Xıdo ımi vində bə pe. Deştə fərişton bə qəpe, Ə kinə çiç karde pidə? Noz karrdedə, qədəy şite, Mınıj vinde, diəro vite. Mais mandə süte-süte, De ım dardij marde pedə, Ə kinə çiç karde pidə?