YAƏN TI

Fikir bıkə, diqqət bıkə, tı ki bəş, Kon tarıxo, çı kon devro, tı oməş, Iştı bobon kadusi bən, kaspi bən, Canqşon kardə, hejo bəsə aspi bən, Bəpi bəştə əğli ımi bıvotı, Ya ıştı pı, ya ıştı mo, yaən tı. Çı Midiya, Sasanion vaxtədə, Əhmənion, İskəndəri taxtədə, Qamonədə, sardonədə,şəxtədə, Suz şəhəri, Elami paytaxtədə, Atropat de tolışonbe, bıvotı, Ya ıştı pı, ya ıştı mo, yaən tı. In məmləkət, hejo əçəy vilat bə, Ərdəbil bə, Ostoro bə, Hilat bə, Mazandaran, İsfahan bə, Qilan bə, Iştə nıznəy bahandı əv, omutı, Çı Babəki daveonən bıvotı, Ya ıştı pı, ya ıştı mo, yaən tı, Dınyo xəlqon ıştə zıvon oqətə, Yəndıkuşon çokə şeon peqətə, Zərduştiən bə tolışi ve votə, Elm omutı, bəştə xəlxi bıvotı, Az həməysə ve qədimim, nıvotı, Ya ıştı pı, ya ıştı mo, yaən tı, Azərboycon çəmə həməy vətəne, Çəmə mardon bı yurdədə hıtən, e, Tırke, kırde, ləzqi, dağlı, tolışe, Çı milləton mehriban be ve xoşe, Bənəy boə deyəndı duz bıvotın, Məmləkəti Azərbaycan oqəton.