OVŞIM
Çanədə reçinij, çanədə ğıstoğ,
Vindəkəs bı eşği savdoy eqındə,
Bətı edyəsədə nışdedəni loğ,
Mijonən bəyəndı toykədən qındə.
Qa ləvsəj, qa qırdij, qa çordə şəvə,
Sənışdəj perısyoj tı dışdə həşi,
Qıydə zanq dəşedəj bə osmoni və,
Bırdəj şəvon dışdə ruşinə vəşi.
Həmrəğij bə toyki, bo şəviş ofəy,
Dışdə ha pedyəsi sıvnedəm tıni,
Tı bə astovonı ışdə şuru jəy,
Hejo bə astovon rıvnedəm tıni…
Mənbələr
Talış poeziyası antologiyası (2021), 327. ISBN 978-9952-28-569-7.