NODONİ DASDO OTƏŞ TARSƏNİNE.

Dəvardə bığ rişiku jiy, peyo ne, Bə oşko zandəyonən kəl niyone , Hələ mard ni, şivənıj bə miyone, Dıl bısuto, çasədə ars bənine, Nodoni dasto otəş tarsənine, Okardedən cur-curə kon bu beşdə, Vəşedəni voşnə otəş du beşdə, Jəydəon ha bə iyəndi zu- beşdə? Şə hurmətən mandəni tars həni ne, Nodoni dasto otəş tarsənine, Qıləy bə dam-dumbe,qıləy zirnojən, Zujən həvoqət qiləy, kəmonjən, Lozim bəmə tar, ımonımon ijən, Qiləy bi rə şənine tar sənine, Nodoni dasto otəş tarsənine, Zındəni be kiy patə, ya kiy hardə Qıləy vənqo qıləy məydon okardə, Im- əvi, əv-ımi beabru kardə, Mandəni qəp nıvoton, pars həni ne, Nodoni dasto otəş tarsənine. Votşone ‘’kən’’dutedə, sirə dimi, Rıjındəmon divon nibastə kumi, Həni vəse vadənən sıpə dumi, Hiç nıbo sıxan kayro asp-hə nine? Nodoni dasto otəş tarsənine. Məkəmon har bə fiki oşko sədə, Tıvoxi hənəkkəmon qədə-qədə, Mənəmon i yəndi ‘’yonzə’’metrədə, Kəybəku ‘’ləp’’dəvone ‘’pas’’ bənine, Nodoni dasto oteş tarsenine.