KASPİ DIYO

Bıbә mıni bә kavu dıyo, Bә һar dıyo ne, bә çәmәno. Kaspi dıyo, tolışә dınyo, Siyo һuşe әyo gırdo kәno. Һәşi ruşnә bәje bә һuşi, Tat bәkarde һar gılә sıği. Kavu dıyo çande nığıli? Iyo dәvon ıştә tovıstoni. Хәyli zoon һәvattәn mәkә, Bınışt, bәһә ve suyә mәkә. Iberdәm tı tәşi bıgәtoş, Bәvan botı çay de şәkә. Bıbuş һar sor çe dıyo kәno, Yodo bebәşe һar coni bәlo. Çe zәmini һar gılә mivә, Çe andomi bedә malicә!