Huccətulla Məmmədov

MERDİ SIXAN İ KƏRƏY

Dıl heste bənə sığiy. Dılən heste mumədəy. Nocinsəti veyniyən Çı odəmi tumədəy! Pidəşe mılk, so, kə-bə, Əğıli de dəbdəbə... Rişım dırıst sipi bə, Lınqım hələ kumədəy! İyo-əyo məvot ve: Əv çımı ğurti ove! Ayroplanış əve... Çı osmoni nimədəy! Çand xonəxo dumo əy Qəp nımande həniş jəy. Merdi sıxan i kərəy... Çıçış vote, dimədəy!..

Mənbələr

Talış poeziyası antologiyası (2021), 45. ISBN 978-9952-28-569-7.