DINYOKU

Çiçon hestin bı dınyoku? Şedə odəm ve dınyoku, Avərəmon dı dınyoku, Rozi nimon çı dınyoku. Kosib bəşe, ərbob bəşe, Sıvol bəşe,cəvob bəşe, Qıno bəşe, səvob bəşe, Rozi bıbi tı, dınyoku. Əğən bəşe, nokən bəşe, Yolən bəşe, rukən bəşe, Hiçən bəşe, çokən bəşe, Çı dınyoku, çı dınyoku. Pi bedəmon əmə həmmə, Dardmon veye, bəmon səmə, Dılmon pure, qame bəmə, Çoknə bışom, mı dınyoku? Haci Ğərib, fik-fam məkə, Ve odəmon dılşon təkə, Dınyo şine, ğənde, şəkəy, Har çi heste bı dınyoku.