ÇİÇON KƏŞEDƏN

Hələ mardənim az, bomı bəmedon, Dard kəşe kışdedə, çımı ın dıli. Çənə bə odəmi oxo dard bədon, Zard bedəm, sutedəm lap bənə vıli. Mışdi to bə dıli çənə bəsuten, Bəbolim, ha Xıdo, bıdə nımardom. Nomerdon tobə keynə dınyo bəqəten, Çiç bıkəm mı oxo coyli nımandom. İnsonon i kərə bə dınyo omdən, Hiç şukur kardənin, nəfəs kəşedən. Əve mardeyədə de qıno şedən, Zındənbu əvoni çiçon çəşedən? Azən mardem pidə, lənət bı dınyo, Əncəx ın dınyoədə bevəcim vində. Zindənim, mardim az, bə vəyişt bəşem? Çımı ruj çiç bəbe zəmini bındə?